Иран Сыртқы істер министрлігінің ресми өкілі Исмаил Бекаи АҚШ-пен келіссөздердің Пәкістанның араағайындығымен жалғасып жатқанын айтты.
Сондай-ақ Бекаи АҚШ пен Бахрейннің Ормуз бұғазына қатысты ұсынған қарарына наразылық білдіріп, БҰҰ Қауіпсіздік Кеңесі «Иранды аймақ қауіпсіздігін әлсіретіп отыр деп айыптай алмайтынын» айтты.
Бекаи: «Қытай мен Ресей теңіздегі және еркін саудаға қатысты қауіпсіздікке қатер төндіретін негізгі фактор АҚШ екенін біледі», – деді.
Ол: «Егер халықаралық қауымдастық жауапты қадам жасағысы келсе, АҚШ-тың әрекеттерін айыптауы керек», – деп мәлімдеді.
Сенім нығайту шаралары
Осы арада “Tasnim” ақпарат агенттігіне келіссөздерге жақын дереккөз Иранның қайта қаралған 14 тармақтан тұратын мәтінді пәкістандық делдалдарға тапсырғанын және оның АҚШ тарапына жеткізілуі күтіліп отырғанын хабарлаған.
Дереккөздің айтуынша, Вашингтон жуырда Иранның бұған дейінгі 14 тармақтан тұратын ұсынысына жауап ретінде өз мәтінін жолдаған, ол да Пәкістанның араағайындығымен жеткізілген.
Дереккөз мәліметінше, Иран тараптар арасындағы хабар алмасу үшін құрылған тетік аясында өзгерістер енгізгеннен кейін қайта қаралған мәтінді ұсынған.
Жаңа ирандық мәтіннің «соғысты тоқтатуға» бағытталған келіссөздерге және АҚШ күткен «сенім нығайту шараларына» басымдық беретіні айтылды.
