БАҚ-та жарияланған мәліметтерге сәйкес, АҚШ пен Қытай сәрсенбі күні Сеулде баспасөзге жабық түрде сауда мәселелерін талқылап, Дональд Трамп пен Си Цзиньпин арасындағы алдағы саммиттің күн тәртібін қарастырды.
Келіссөзге АҚШ Қаржы министрі Скотт Бессент пен Қытай премьер-министрінің орынбасары Хэ Лифэн жетекшілік етті. «Yonhap News» агенттігінің хабарлауынша, кездесу Инчхон халықаралық әуежайының «VIP» залында қатаң қауіпсіздік шаралары аясында өтті.
Ресми тұлғалардың айтуынша, келіссөздердің негізгі мақсаты — бейсенбі күні Бейжіңде өтетін Трамп–Си Цзиньпин кездесуінің алдында тараптардың басымдықтарын үйлестіру.
Сондай-ақ Скотт Бессентті Оңтүстік Корея президенті Ли Чжэ Мён қабылдамақ. Скотт Бессент кейін Бейжіңге аттанады.
Оңтүстік Кореяға Жапониядағы кездесулерден кейін барған Бессент бұл елде Санаэ Такаити, Сацуки Катаяма және басқа да жоғары лауазымды тұлғалармен екі ел арасындағы экономикалық байланыстарды талқылаған болатын.
