Сирия президенті әкімшілігінің хабарлауынша, АҚШ президенті Дональд Трамп пен Сирия президенті Ахмед Шара телефон арқылы сөйлесіп, Сирияны қалпына келтіру және өңірлік тұрақтылықты қолдау мәселелерін талқылады.

Мәлімдемеге сәйкес, Ахмед Шара АҚШ-тың санкцияларды алып тастауы ел экономикасын қалпына келтірудегі негізгі қадам екенін жеткізген.  Ал Трамп тұрақтылықты сақтаудың және Сирияның қалпына келу мен қайта жаңғырту бағытындағы күш-жігерін қолдаудың маңызын атап өтті.

Мәлімдемеде АҚШ президентінің өңірлік қауіпсіздік пен бейбітшілікті нығайту, сондай-ақ аймақтағы шиеленістің одан әрі ушығуына жол бермеу үшін дипломатия мен диалогқа басымдық беру қажеттігін де айтқаны көрсетілген.

Екі көшбасшы телефон әңгімесінде Сирияның қалпына келуін қолдау бағытындағы жұмыстарды талқылап, өңірдегі соңғы жағдайға баға берген.