Соғысты аяқтау бағытында жүргізіліп жатқан жұмыстарға тоқталған Украина президенті Владимир Зеленский украиналық келіссөз жүргізушілердің ертең АҚШ-та болатынын еске салды.

Зеленский Украина Президенті аппаратының басшысы Кирило Буданов, Президент аппараты басшысының орынбасары Сергий Кислиция, Сыртқы барлау қызметінің басшысы Рүстем Умеров пен депутат Давид Арахамияның өз еліне өкілдік ететінін білдірді.

Зеленский еуропалық шенеуніктердің де келіссөзге қатысуын күтетіндерін атап өтті. АҚШ-тағы келіссөздердің екі күнге созылуы мүмкін екенін айтқан Зеленский: «Соңғы күндері американдық тараппен үш рет сөйлестім», — деді.

Зеленский Украина ретінде теңіз және энергетика инфрақұрылымына бағытталған оқ атуды тоқтату ұсынысы үстінен жұмыс істеп жатқандарын тілге тиек етті.

Ресей армиясының соңғы күндері өз еліне ұйымдастырған шабуылдарында бастысы балалар болып, өте көптеген бейбіт тұрғынның қаза тапқанына назар аударған Зеленский Украинаның Ресейдегі балаларды ешқашан нысанаға алмағанын және мұны болашақта да әсте жасамайтынын мәлімдеді.

Зеленский: «Бірақ ересектер жақын арада жаңа жауап алады. Егжей-тегжейін жариялай алмаймын», — деді.

Ресейдегі «Яндекс» технологиялық компаниясының Рязань облысында орналасқан деректер орталығына жасалған шабуылға да тоқталған Зеленский былай деп атап өтті: «Біз әрқашан тура солай жауап қайтарамыз. Деректер орталықтарына келер болсақ, бәріңіз де білесіздер, олар біздің деректер орталықтарымызға шабуыл жасады және шабуылдауды жалғастыруда. Біз де жауап қайтардық».