Иран қорғаныс министрінің міндетін атқарушы, бригада генералы Меджид Ибн әр-Риза АҚШ-қа «Отпен ойнамаңыздар, біздің қарулы күштеріміз кез келген шабуылға жауап беруге дайын», – деп ескерту жасады.

Иранның «Tasnim» ақпарат агенттігінің хабарлауынша, Ибн әр-Риза ел астанасы Тегеранда бірқатар өнеркәсіп кәсіпорынының басшыларымен кездесіп, күн тәртібіндегі мәселелерге қатысты мәлімдеме жасады.

Ол Иранның ешқандай қауіп-қатерге мойынсұнбайтынын және өзінің ұлттық болмысын сақтау үшін ешкімнен рұқсат сұрамайтынын атап өтті. Сондай-ақ АҚШ-қа «Отпен ойнамаңыздар, біздің қарулы күштеріміз кез келген шабуылға жауап беруге дайын», – деп ескерту жасады.

Ибн әр-Риза елдің ғылым, өнеркәсіп және қорғаныс салаларындағы әлеуетін арттыру қажеттігін атап өтіп,

«Біз өз тарихымызды жақсы білеміз, ұлттық қауіпсіздігіміз бен мүдделерімізді қорғаймыз. Кез келген қауіп-қатерге дайынбыз. Біздің ұстанымымыз айқын: Иран өркениетіне қауіп төндіре алмайсыздар. Өркениеттер қақтығысының отын тұтатқандар сол жалын өздерін де шарпуы мүмкін екенін ұмытпасын», - деді.