Америкалық “CNN” арнасының соңғы зерттеуі АҚШ пен Иран арасындағы шиеленістің өңірдегі америкалық әскери нысандарға әсерін көрсетті.
“CNN”-нің спутниктік суреттерге, зақымдарды бағалау есептеріне және АҚШ пен Парсы шығанағы дереккөздеріне сүйенген мәліметіне сәйкес, 28 ақпаннан бері Иран шабуылдары салдарынан АҚШ армиясының Таяу Шығыстағы кемінде 16 базасы түрлі дәрежеде зақымданған.
Хабарда кейбір нысандардың зақымданғанын және бірқатар нысанның пайдалануға жарамсыз екені айтылып, Иран шабуылдарының негізінен өңір бойынша орналастырылған озық радар жүйелеріне, байланыс инфрақұрылымына, зымыранға қарсы қорғаныс құралдарына және ұшақтарға бағытталғаны көрсетілген.
Зақымданған нысандар қатарында Иорданиядағы америкалық “THAAD” зымыран батареяларына тиесілі радар жүйелері және Біріккен Араб Әмірліктеріндегі кейбір нысындардағы радарлар бар.
“CNN” сондай-ақ Сауд Арабиясындағы әуе базасына жасалған Иран шабуылы кезінде америкалық “Boeing E-3 Sentry” ұшағының жойылғанын хабарлады.
Пентагон өкілдері өткен аптада Конгресте берген мәлімдемелерінде АҚШ-тың Иранға қарсы операцияларының құны шамамен 25 миллиард доллар екенін айтқан болатын.
Алайда “CNN” мен “CBS News” сияқты бірқатар америкалық БАҚ Иранмен соғыстың жалпы құны кемінде 50 миллиард доллар екенін алға тартты.
