Йемендегі хоуситтердің Сауд Арабиясының шығыс аймағына қарай ұшырған 3 баллистикалық зымыраны мен 4 ұшқышсыз ұшу аппаратының әуе қорғанысы жүйелері арқылы жойылғаны хабарланды.
Сауд Арабиясы бастаған Араб коалициясының мәлімдемесінде хоуситтердің елдің шығыс аймағына баллистикалық зымырандар ұшырғаны айтылды.
Мәлімдемеде: «Хоусит жасақтары Сауд Арабиясының шығыс аймағына қарай ұшырған 3 баллистикалық зымыран жойылды», – делінген. Сондай-ақ елдің оңтүстігінде анықталған 4 ұшқышсыз ұшу аппараты тойтарылғаны хабарланды.
Сауд Арабиясының Азаматтық қорғаныс басқармасы бұған дейін Хардж уәлаяты мен елдің шығыс аймағында ескерту жүйелері іске қосылғанын мәлімдеген болатын.
Йемендегі Иран қолдайтын хоуситтер соңғы уақытта Сауд Арабиясының астанасы Эр-Рияд пен елдің басқа да аймақтарына баллистикалық зымырандар және ұшқышсыз ұшу аппараттары арқылы шабуылдар жасап келеді.
