ДЕНСАУЛЫҚ ЖӘНЕ ТУРИЗМ
2 ... минут оқылды
Теледидар алдында ұзақ уақыт отыру ми көлемінің кішіреюіне әкеледі
Ұзақ уақыт теледидар қарау миға кері әсер етуі мүмкін екені анықталды.
Теледидар алдында ұзақ уақыт отыру ми көлемінің кішіреюіне әкеледі
Теледидар алдында ұзақ уақыт отыру ми көлемінің кішіреюіне әкеледі

«Alzheimer’s and Dementia» журналында жарияланған зерттеу аясында 1700-ден астам ересек адам шамамен 24 жыл бойы бақылауға алынған. Зерттеу нәтижесінде орта жаста теледидарды жиі көрген ер адамдардың ми көлемі кішірейгені анықталды.

Бұл кішірею Альцгеймер ауруына бейім ми аймақтарында байқалған. Сонымен қатар когнитивтік қабілеттің төмендеуімен байланысты зақымдардың артқаны белгілі болды.

Зерттеу нәтижесі күннің көп бөлігін отырып өткізсе де, сөзжұмбақ шешу, электрондық хаттарға жауап беру немесе ойлануды қажет ететін істермен айналысқан адамдардың миы жақсы күйде сақталатынын көрсетті.

Бұл әсер ерлер арасында көбірек байқалды

Зерттеу барысында анықталған жыныстық айырмашылық ғалымдарды таңғалдырды. Теледидар көру мен ми құрылымындағы өзгерістер арасындағы байланыс ер адамдарда әйелдерге қарағанда әлдеқайда жоғары болған.

Мамандар мұны әйелдердің ұзақ отыру уақытын жиі үзіп тұруымен немесе ерлер мен әйелдер арасындағы биологиялық ерекшеліктермен байланыстырады. Сондай-ақ әйелдердің теледидарды қысқа уақыт аралықтарымен көретіні, ал ер адамдардың спорттық жарыстар мен фильмдерге байланысты бір орында ұзақ әрі үзіліссіз отыратыны айтылды.

Отырған кезде немен айналысатыныңыз маңызды

Оңтүстік Калифорния университетінің зерттеушілері осы уақытқа дейін адамның қанша уақыт отырғанына ғана мән беріліп келгенін, алайда отыру кезінде немен айналысатыны да ми саулығы үшін аса маңызды көрсеткіш екенін атап өтті.

Теледидар көру ақыл-ой белсенділігі төмен әрекет ретінде бағаланады. Ал үстел басында жұмыс істеу жоспарлау, оқу, жазу және мәселе шешу сияқты ойлау үдерістерін қамтиды. Мұндай белсенді әрекеттер мидың қартаюға төзімділігін арттыратын когнитивтік қордың қалыптасуына ықпал етеді.

Зерттеу нәтижелері тұрақты түрде жаттығу жасағанның өзінде теледидарды ұзақ уақыт көрудің кері әсері толық жойылмайтынын көрсетті. Мамандар экран алдында көп отыратын адамдарға ми саулығын сақтау үшін жиі үзіліс жасап тұруды ұсынады.

 

Іздеу
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Түркия климат мектебінде табиғи апат қаупін азайту жолдары талқыланды
Министр Фидан: «Түркияның жетекші рөлі халықаралық деңгейде мойындалуда»
«Украинамен 1,6 миллиард долларлық келісімге қол жеткізу бағытында ілгерілеушілік бар»
БҰҰ: «Сирияны қайта қалпына келтіруге 216 миллиард доллар қажет»
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”