Ирландияның кемінде 160 жетекші спортшысы Ирландия Республикасының футболдан ұлттық құрамасын Израильмен өтетін алдағы матчқа бойкот жариялауға шақырған ашық хатқа қол қойды.
«Сіздерде дұрыс әрекет ету мүмкіндігі бар» деген сөздер жазылған хатты «Irish Sport for Palestine» («Палестина үшін Ирландия спорты») тобы “X” платформасында жариялады.
Хатта спортшыларға барлық ойыншыға тең қарау керектігі үйретілетіні, алайда қысым көрсету мен кемсітушілікке негізделген құрылымдар қайта жаңғыратын спорттағы шынайы жағдайдың мұндай жалпыға ортақ құндылықтарға сәйкес келмейтіні атап өтілді.
Хатқа қол қойғандардың арасында қазіргі және бұрынғы регби ойыншылары, Уэльс футболшылары, боксшылар, баскетболшылар және спорттың түрлі саласының өкілдері бар.
Ирландия футбол федерациясының Бас ассамблеясы шілде айында Израильге қарсы өтетін УЕФА Ұлттар лигасы матчтарына бойкот жариялау туралы ұсынысты қабылдамаған еді.
