Иран бұқаралық ақпарат құралдарының мәліметінше, Иранның бұрынғы Сыртқы істер министрі Кемал Харази 1 сәуірде АҚШ-Израиль шабуылдары кезінде алған жарақат салдарынан көз жұмған.
81 жастағы Харази Сыртқы істер министрлігіне қарасты Стратегиялық сыртқы қатынастар кеңесінің төрағасы қызметін атқарған.
«Mehr» және «Isna» агенттіктері «Telegram» желісінде «Бірнеше күн бұрын америкалық сионист қарсылас жасаған террористік шабуылда жараланған тәжірибелі дипломат бүгін түнде шейіт болды», – деп хабарлады.
Харазидің Тегерандағы үйіне жасалған шабуыл кезінде оның жұбайының да қаза тапқаны хабарланды.
Харази Нью-Йорктегі Біріккен Ұлттар Ұйымында Иран өкілі болған, кейін 1997–2005 жылдары Иран президенті Мұхаммед Хатами тұсында Сыртқы істер министрі қызметін атқарған.
28 ақпаннан бері АҚШ–Израиль шабуылдары салдарынан рухани көсем Әли Хаменей және бірқатар жоғары деңгейлі әскери әрі саяси тұлға қастандық құрбаны болды.
