ДЕНСАУЛЫҚ ЖӘНЕ ТУРИЗМ
2 ... минут оқылды
Ұйқының сапасы маңызды ма, әлде ұзақтығы ма?
Шамамен 100 мың адамның деректері сараланған зерттеу ұйқының ұзақтығымен қатар, оның сапасы да денсаулық үшін маңызды болуы мүмкін екенін көрсетті.
Ұйқының сапасы маңызды ма, әлде ұзақтығы ма?
Ұйқының сапасы маңызды ма, әлде ұзақтығы ма?

Қытайдағы Бейжің университетінің зерттеушілері Ұлыбританиядағы «UK Biobank» деректер базасына енген 95 мың 559 адамның денсаулық көрсеткіштерін зерттеді.

Қатысушылардың ұйқы режимі қатарынан 7 күн бойы білектеріне тағылған қозғалыс өлшегіш құрылғылар арқылы бақыланды. Зерттеушілер жалпы ұйқы ұзақтығымен қатар, «REM» ұйқысы, терең және жеңіл ұйқы кезеңдерін, түн ішінде ояу жатқан уақытты және ұйқы режимінің өзгеруін бағалады.

Қатысушылар орта есеппен 9 жыл бойы бақылауда болды. Ұйқыға қатысты деректер олардың мыңнан астам аурумен байланысы тұрғысынан талданды.

«REM» ұйқысына назар аударылды

Зерттеу барысында «REM» ұйқысының ұзағырақ болуы жүрек жеткіліксіздігі, деменция және Паркинсон ауруларымен қатар 83 аурудың даму қаупінің төмен болуымен байланысты екені анықталды.

Ал терең ұйқының ұзақ болуы 2-типті қант диабеті мен клиникалық депрессияны қоса алғанда, 7 аурудың даму қаупінің төмендеуімен байланысты болды.

Керісінше, ұйқы режимінің тұрақсыздығы мазасыздық және психобелсенді заттарды қолдануға байланысты бұзылыстар секілді кейбір денсаулық мәселелерінің жоғары қаупімен байланыстырылды.

6–8 сағат ұйықтайтын адамдарда  ауру қаупі төмен

Зерттеу нәтижесінде тұрақты түрде тәулігіне 6-дан 8 сағатқа дейін ұйықтайтын адамдардың түрлі ауруларға шалдығу қаупі төмен екені анықталды.

Тәулігіне 5 сағаттан аз ұйықтайтын адамдарда 37 түрлі денсаулық мәселесінің туындау қаупі жоғары екені анықталды. Ал 8 сағаттан артық ұйықтайтындарда да кейбір аурулардың даму қаупінің артқаны байқалды.

Зерттеушілердің айтуынша, аурулардың көпшілігінде ең төмен қауіп тәулігіне 6–8 сағат ұйықтайтын адамдарда байқалған.

Ғалымдар бұл зерттеудің бақылау мақсатында жүргізілгенін және ұйқы режимінің ауру қаупінің өзгеруіне тікелей себеп екенін дәлелдемейтінін ескертті.

Зерттеушілердің айтуынша, бұл нәтижелер әсіресе орта жастағы және егде жастағы адамдар үшін 6–8 сағаттық ұйқының маңызын көрсететін бұрынғы ғылыми деректерді толықтыра түседі.

Іздеу
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Түркия климат мектебінде табиғи апат қаупін азайту жолдары талқыланды
Министр Фидан: «Түркияның жетекші рөлі халықаралық деңгейде мойындалуда»
«Украинамен 1,6 миллиард долларлық келісімге қол жеткізу бағытында ілгерілеушілік бар»
БҰҰ: «Сирияны қайта қалпына келтіруге 216 миллиард доллар қажет»
Еуропаның бес елі мигранттарды Руандаға көшіруді жоспарлап отыр
АҚШ-та әуе қатынасындағы іркілістер әлі  жалғасуда
Ресейді соғысты жалғастыру үшін сылтау іздеп отыр деп айыптады
Ресей Украинаның 1300-ден астам ұшқышсыз ұшу аппаратын атып түсіргенін мәлімдеді
COP31 төрағасы: “Әр елдің даму жолы әртүрлі, бірақ болашағымыз ортақ”