Иран Сыртқы істер министрі Аббас Аракчи елінің АҚШ-пен маусым айында Пәкістанда қол жеткізген келісімді жүзеге асыруға ең үлкен кедергі Израиль екенін мәлімдеді.
Иран Сыртқы істер министрлігінің «Telegram» арнасында жарияланған ақпаратқа сәйкес, Аракчи бір жиында сөйлеген сөзінде 28 ақпанда АҚШ пен Израильдің Иранға қарсы бастаған соғысынан кейінгі дипломатиялық үдерістерге тоқталды.
Аракчи Тегеран мен қарсы тарап арасында жасалған уағдаластық Иранның мүддесіне сай болғандықтан, АҚШ екі аптаға жетпей оны бұза бастағанын айтты.
«Бұл келісімнің жүзеге асуына кедергі болып отырған тарап – Израиль», – деді ол.
Аракчи дипломатиялық жетістіктің өзіне немесе Сыртқы істер министрлігіне емес, Иран халқына тиесілі екенін атап өтті.
«Бұл – Иран халқының жеңісі. Бұл соғыс кезінде көрсетілген қарсылықтың нәтижесінде қарсы тараптың Иран талаптарын қабылдауға мәжбүр болуының нәтижесі», – деді ол.
