БҰҰ-ның азық-түлік агенттігі жұма күні Израиль мен АҚШ-тың Иранға қарсы жүргізіп жатқан соғысы мен Тегеранның қарымта соққылары энергия мен тыңайтқыш бағасының қымбаттауына байланысты азық-түлік бағасын арттырғанын хабарлады.
БҰҰ-ның Азық-түлік және ауыл шаруашылығы ұйымының мәліметінше, халықаралық азық-түлік тауарларының айлық бағаларының өзгерісін көрсететін Азық-түлік бағасы индексі бір ай бұрынғы деңгеймен салыстырғанда 2,4%-ға артқан.
Бұл қатарынан екінші өсім болды. Ұйым бұл өсімді негізінен Таяу Шығыстағы қақтығысқа байланысты энергия бағасының артуымен түсіндірді.
Ең үлкен өсім өсімдік майлары санатында тіркелді. Өсімдік майлары ақпан айымен салыстырғанда 5,1% артты. Ұйымның мәліметінше, шикі мұнай бағасының күрт өсуіне байланысты пальма майының бағасы жоғары деңгейге жетті.
Сонымен қатар ұйым астық қорының жеткілікті болуы қақтығыстың әсерін белгілі бір деңгейде жеңілдеткенін атап өтті.
Азық-түлік ұйымының бас экономисі Максимо Тореро мәлімдемесінде «Қақтығыс басталғалы бері баға өсімі салыстырмалы түрде қалыпты. Бұған негізінен жоғары мұнай бағасы мен әлемдік астық қорының молдығы әсер етіп, жағдайды біршама жұмсартты», - деді.
Алайда Тореро ескерту жасап, егер қақтығыс 40 күннен ұзаққа созылып, тыңайтқыш бағасының өсуі жалғасатын болса, фермерлер сол көлемдегі өнімді аз ресурспен өндіру, егіс көлемін қысқарту немесе тыңайтқышты көп қажет ететін дақылдарды азайту арасында таңдау жасауға мәжбүр болатын айтты.
Тореро: «Бұл шешімдер алдағы өнім көлеміне ықпал етіп, биылғы жылдың қалған кезеңі мен келесі жылғы азық-түлік жеткізілімі мен тауар бағасын айқындайды», – деді.
Өндіріс пен жеткізу тізбектеріндегі іркілістер бидай мен жүгері нарығында қиындық туындатып отырғанын атап өтті.
