Жергілікті БАҚ-тың хабарлауынша, сейсенбі күні Иран парламентіндегі бір комитет Ормуз бұғазы арқылы өтетін кемелерге төлем енгізу жоспарын мақұлдады.
Ұлттық қауіпсіздік комиссиясынан өткен заң жобасы осы стратегиялық су жолын басқаруға арналған бірқатар ережені енгізуді қарастырады. Олардың қатарында кемелердің Иранның ұлттық валютасы риалмен төлем жасауын міндеттейтін қаржылық талаптар да бар.
«Fars Haber» агенттігінің мәліметінше, комиссия мүшесі Мүжтаба Зареи заң жобасында АҚШ және Израильмен байланысы бар кемелердің бұғаздан өтуіне тыйым салатын шектеулер де қарастырылғанын айтты.
Қосымша баптар Иранға қарсы санкцияларға қосылған елдердің де бұғаздан өтуіне тыйым салуды көздейді.
Заң күшіне енуі үшін алдымен парламентте дауыс беруден өтіп, кейін Конституциялық Қорғау Кеңесі тарапынан тексеріледі. Соңында президент қол қоюы тиіс.
28 ақпанда АҚШ пен Израиль Иранға қарсы бірлескен шабуыл бастағаннан кейін өңірдегі шиеленіс күшейе түсті. Бұл шабуылдарда сол кездегі рухани көсем Әли Хаменеиді қоса алғанда 1340-тан астам адам қаза тапты.
Иран бұған жауап ретінде Израиль, Иордания, Ирак және АҚШ-тың әскери нысандары орналасқан Парсы шығанағы елдеріне ұшқышсыз ұшақтар және зымырандармен соққы жасады. Бұл шабуылдар адам шығыны мен инфрақұрылымның күйреуіне әкеліп, жаһандық нарық пен авиацияға да кері әсерін тигізді.
