Екі елдің Сыртқы істер министрлері кеше таңертең Түркия-Сауд Арабиясы үйлестіру кеңесінің үшінші отырысына тең төрағалық етті.
Режеп Тайып Ердоған Түркия астанасы Анкарада Фейсал бен Фархан әл Саудпен кездесті.
Сәрсенбі күні Президенттік кешенде баспасөзге жабық форматта өткен кездесудің алдында екі елдің Сыртқы істер министрлері Түркия-Сауд Арабиясы үйлестіру кеңесінің үшінші отырысына тең төрағалық етіп, екіжақты қарым-қатынастар, Газадағы жағдай және өңірлік мәселелерді талқылады.
Хакан Фидан «Nsosyal» желісінде жариялаған мәлімдемесінде отырыстың екі елдің министрліктері мен мекемелерінің қатысуымен өткенін айтты.
Екіжақты байланыстарды нығайту
Фидан тараптардың сауда, энергетика, қорғаныс, білім беру, мәдениет, туризм және көлік секілді стратегиялық салалардағы комитеттердің жұмысын саралап, екіжақты байланыстарды институционалдық негізде қарастырғанын мәлімдеді.
Сонымен қатар Фидан келіссөз барысында өңірлік мәселелердің, әсіресе Газадағы ахуалдың талқыланғанын және екі елдің дипломатиялық әрі арнайы паспорт иелері үшін өзара визасыз режим туралы келісімге қол қойғанын хабарлады.
Түркия Сыртқы істер министрі саудиялық әріптесіне және оның делегациясына сапарлары үшін алғыс айтып, қол жеткізілген келісімдердің екі мемлекетке де пайда әкелетініне үміт білдірді.
