ЭКОНОМИКА
2 ... минут оқылды
Ормуз бұғазы кеме қатынасына қайта ашылады
Трамп әкімшілігінің жоғары лауазымды өкілдері Тегеран қандай да бір ірі экономикалық пайда көрмес бұрын өз міндеттемелерін орындауы тиіс екенін талап етуде.
Ормуз бұғазы кеме қатынасына қайта ашылады
Вашингтон Иран келісімі аясында Ормуз бұғазындағы кеме қатынасы қайта басталғанын мәлімдеді. (Сурет: МҰРАҒАТ) / Reuters
 

АҚШ Иранмен жасалған бейбіт келісім аясында кемелердің Ормуз бұғазы арқылы тегін өтетінін жариялап, Тегеран экономикалық артықшылықтарға ие болмай тұрып өз міндеттемелерін орындауы қажет екенін тағы да мәлімдеді.

Жоғары лауазымды шенеунік журналистермен сөйлескен кезде Иран алатын артықшылықтардың қатарында соғыс салдарынан қираған инфрақұрылымды қалпына келтіруге арналған 300 миллиард долларлық қайта құру қоры бар екенін айтты. Алайда бұл қаражаттың бөлінуі «міндеттемелердің орындалуына байланысты» болатынын атап өтті.

Шенеуніктердің айтуынша, АҚШ президенті Дональд Трамп, вице-президент Джей Ди Вэнс және Иран Мәжілісінің төрағасы Мұхаммед Бакир Галибаф жексенбі күні өзара түсіністік туралы меморандумға электронды түрде қол қойған.

АҚШ шенеуніктерінің бірі аты-жөнін жарияламау шартымен:

«Президент Трамп өзінің бұл үдеріске адалдығын көрсету үшін құжатқа жеке өзі қол қоюды қалады», - деді.

Вэнс “CNN” арнасына берген сұхбатында: «Түсіністік туралы меморандум шамамен бір жарым беттен тұрады, сондықтан бұл өте жалпы сипаттағы құжат», - деді.

Вэнс осы аптада тараптар арасындағы келіссөздерге жетекшілік етеді және Швейцарияның Женева қаласында өтуі күтілетін ресми қол қою рәсіміне қатысады.

Ормуз бұғазы қалыпты режимге көшеді

Қол қою рәсімі Иран мен АҚШ толыққанды бейбіт келісім жасауға талпынатын 60 күндік кезеңнің басталуын білдіреді.

АҚШ өкілі кездесу барысында: «Біз ядролық келіссөздерді басты назарға шығарғымыз келеді», - деді.

Алайда Ормуз бұғазындағы жағдай мұнай бағасының өсуінен туындайтын жаһандық экономикалық салдарға байланысты шұғыл басымдық болып отыр.

Вэнс “CNBC” арнасына берген сұхбатында Иранмен бұғазды «ұзақ мерзімді перспективада ешқандай транзиттік төлемсіз» қайта ашу жөнінде өзара түсіністік бар екенін және бұл мәселенің техникалық келіссөздер барысында қарастырылатынын айтты.

Трамп стратегиялық маңызы зор бұғаздың жұма күнінен бастап «толықтай ашық» болатынын мәлімдеді, бірақ сонымен бірге миналарды тазарту жұмыстарының әлі де жалғасып жатқанын айтты.

АҚШ өкілінің айтуынша, кеме қатынасы «бірнеше апта ішінде» соғысқа дейінгі деңгейге қайта оралады, дегенмен «қазірдің өзінде қозғалыс көлемінің айтарлықтай артқаны» байқалып отыр.

Алайда Иран Сыртқы істер министрлігі дүйсенбі күні жасаған мәлімдемесінде келісім Иранға Ормуз бұғазы арқылы өтетін кемелерден «транзиттік төлем» емес, теңіз қызметтері үшін ақы алуға мүмкіндік беретінін хабарлады.

ҚатыстыTRT Қазақ - Иран мен АҚШ толық келісімге қол жеткізілгенін хабарлады
Іздеу
Түркияның автомобиль экспортының 73 пайызы ЕО елдеріне бағытталған
Халықаралық валюта қорының басшысы жаһандық экономикаға төнген қауіпті атады
Ирак ұлттық валютасын девальвациялады
Түркия көршілес елдерге 20,9 миллиард доллар көлемінде тауар экспорттады
Түркияның ЕО елдеріне экспорты 71,8 миллиард долларға жетті
Түркияның экспорты  25,6 миллиард долларды құрады
Иран: “АҚШ-тың экономикалық қысымына жауап береміз”
АҚШ Иранға қарсы «ауқымды қаржылық шабуыл» басталатынын мәлімдеді
АҚШ-тың мемлекеттік қарызы 40 триллион доллардан асты
THY Қытайдағы ұшу желісіне Чэнду қаласын қосады
Жастар арасындағы жұмыссыздық әлем көлемінде соңғы бір жылда артты
“BMW” 2027 жылдың соңына дейін Германияда 8 000 адамды жұмыстан босатуды жоспарлап отыр
Канада АҚШ-пен сауда келіссөздерін жеделдетуге ниетті
Автомобиль саласында 8 миллиард долларлық қосалқы өнеркәсіп өнімі экспортталды
Армения премьер-министрі  Түркия және Әзербайжанмен энергетикалық байланыстарды тереңдетуге шақырды
Түркия жел энергиясы бойынша әлемде 5-ші, күн энергиясы бойынша 10-шы орында
Түркияның электр қуаты 125 мың 598 мегаватқа жетті
Еуропалық орталық банктің негізгі пайыздық мөлшерлемені көтеруі болжануда
Түркия 4 айда 195 миллион доллар көлемінде лимон экспорттады
Шығыс Қаратеңіз аймағынан 115 елге 831 миллион доллардан асатын экспорт жасалды