Коммуникация басқармасының әлеуметтік желідегі парақшасында жарияланған мәліметке сәйкес, бұл жиынға АҚШ президенті Дональд Трамп, Бахрейн королі Хамад бин Иса Әл Халифа, Біріккен Араб Әмірліктерінің президенті Шейх Мұхаммед бин Заид Әл Нахаян, Катар Әмірі Шейх Тәмим бин Хамад Әл Сани, Мысыр президенті Абдель Фаттах ас-Сиси, Сауд Арабиясының мұрагер ханзадасы Мұхаммед бин Салман, Иордания королі ІІ Абдалла, Пәкістан Қарулы Күштері Бас штабының бастығы Асим Мунир және АҚШ арезиденті Кабинетінің мүшелері қатысты.

Иран мен Таяу Шығыстағы ахуал сөз болған келіссөзде арезидент Ердоған Түркияның әрдайым түйткілдерді диалог пен дипломатия арқылы шешуді жақтайтынын білдірді. Ол Иранмен арадағы дипломатиялық процестің АҚШ арезиденті Трамп атап өткен деңгейге жетуіне ризашылығын жеткізді. Сондай-ақ қол жеткізілетін уағдаластық Ормуз бұғазы арқылы еркін өтуді қамтамасыз ету игілігімен аймақтың тұрақтылығын бекіте түсетінін, бұл жағдайдың әлемдік экономиканы да оңалтатынын баса айтты.

Келіссөз процесіне үлес қосқан мемлекеттерге алғысын білдірген Ердоған Иранмен жасалуы мүмкін келісімді іске асыру кезеңінде Түркия ретінде кез келген қолдауды көрсетуге дайын екендерін мәлімдеді. Түркияның бүкіл өңірде бейбітшіліктің үстемдік құруы үшін күш салып жатқанын тілге тиек еткен ол Иранға қатысты ядролық мәселені де қамтитын күрделі тақырыптарда уақыт өте келе тиісті шешімдер табылатынына сенім білдірді.

Президент Ердоған бұл сұхбатта Түркияның аймақ елдері бір-біріне қатер төндірмейтін жаңа бір дәуірді қалайтынын және әділ бейбітшіліктен ешкімнің ұтылмайтынын ерекше атап өтті.