Жылдың алғашқы жартысында автомобиль қосалқы бөлшектері өнеркәсібі 190-нан астам елге, еркін аймақ пен автономиялық аймаққа сыртқы сауда жасады. Өткен жылдың қаңтар-маусым кезеңінде 7 миллиард 669 миллион 582 мың доллар болған қосалқы бөлшектер экспорты үстіміздегі жылдың дәл осы кезеңінде 5,4 пайыз артып, 8 миллиард 86 миллион 142 мың долларға жетті. Автомобиль өнеркәсібінің қаңтар-маусым кезеңіндегі 20 миллиард 839 миллион 897 мың долларлық жалпы экспортының 38,8 пайызын қосалқы бөлшек өнімдері құрады.
Германия көш бастап тұр
Қосалқы бөлшектерді сыртқа сатуда ең көп экспорт жасалған елдердің арасында бірінші орынды автомобиль секторының негізгі нарығы болып табылатын Германия иеленді. Германияға жасалған 6 айлық қосалқы бөлшектер экспорты өткен жылдың сәйкес кезеңімен салыстырғанда 10,9 пайыз артты. 2025 жылдың қаңтар-маусым кезеңінде Германияға бағытталған қосалқы бөлшектер экспорты 1 миллиард 665 миллион 377 мың доллар болса, биылғы жылдың 6 айында бұл көрсеткіш 1 миллиард 847 миллион 78 мың долларға дейін көтерілді.
Ең көп экспорт жасалған екінші ел Францияға тауар сатудағы өсім 11 пайыз болып тіркелді. Өткен жылдың алғашқы жартысында 542 миллион 35 мың долларлық қосалқы бөлшек экспорты жасалған Францияға биыл дәл осы кезеңде 602 миллион 22 мың долларлық өнім сатылды.
Үшінші орында тұрған Италияға қосалқы бөлшектер экспорты 27,4 пайыздық өсіммен 453 миллион 995 мың доллардан 578 миллион 374 мың долларға жетті.
АҚШ-қа қосалқы бөлшек экспорты 500 миллион доллардан асты
Бұл кезеңде төртінші орындағы АҚШ-қа сыртқы сауда көлемі 2,3 пайыз артып, 526 миллион 976 мың доллардан 539 миллион 232 мың долларға өсті.
Тізімнің бесінші сатысындағы Румынияға экспорт болса, 14,7 пайыз төмендеп, 509 миллион 630 мың доллардан 434 миллион 419 мың долларға дейін азайды.
