ЭКОНОМИКА
2 ... минут оқылды
“BMW” 2027 жылдың соңына дейін Германияда 8 000 адамды жұмыстан босатуды жоспарлап отыр
Неміс компаниясы таза пайда төмен болғандықтан жұмысын қайта құрылымдап жатқыр, қысқартудың басым бөлігі келесі жылы жүзеге асады.
“BMW” 2027 жылдың соңына дейін Германияда 8 000 адамды жұмыстан босатуды жоспарлап отыр
“BMW” 2027 жылдың соңына дейін Германияда 8 000 адамды жұмыстан босатуды жоспарлап отыр / AFP
 

Компаниядағы дереккөз берген мәліметке қарағанда, люкс автокөлік өндіруші “BMW” компаниясы 2027 жылдың соңына дейін 8 000 адамды жұмыстан шығару мақсатына орай Германиядағы қызметкерлерінің жартысына жуығына өз еркімен жұмыстан кету таңдауын ұсынады.

Германиядағы шамамен 85 000 тұрақты қызметкердің 40 000-ға жуығына қазан айынан бастап осы ұсыныс жасалатыны және өндірістік желі (конвейер) жұмысшыларының бұл шешімнен тыс қалатыны атап өтілді.

Аталған дереккөз «Жұмыс күші ақыр соңында 2027 жылдың соңына дейін шамамен 8 000 адамға қысқарады. Біз соған сәйкес жоспар құрудамыз», — деген сөздерге орын берді.

Дереккөз бүкіл әлем бойынша шамамен 154 000 адамды жұмыспен қамтып отырған “BMW-ның” бұл ұсынысы Германиядағы кеңсе қызметкерлерін қамтитынын білдірді.

Электромобильдердегі таза пайда маржасының төмендеуі, АҚШ салықтары және ең бастысы Қытайдағы қарқынды бәсекелестік салдарынан неміс автоөндірушілері жалпы шығындарды азайтуға тырысуда.

«Қарқынды қысым»

Дереккөз жұмыс күшін қысқарту бағдарламасы “BMW-ның” шығындарын 2028 жылға қарай айтарлықтай төмендетеді деп күтілетінін және жұмыстан босатулардың басым бөлігі келесі жылы өтетінін атап өтті.

Өткен айда автокөлік бөлімшесіндегі таза пайда болжамын 1% сияқты төмен маржа деңгейіне түсірген “BMW” қайта құрылымдау шаралары 2026 жылдың екінші жартысында компанияға қосымша шығын әкелетінін мәлімдеді.

Биылғы шығындардың ықтимал жүздеген миллионды құрайтыны, нақты санды кесіп айту қиын екені және бұл көрсeткіштің бағдарламаға қатысу деңгейіне байланысты болатыны білдірілді.

«Ernst & Young» консалтингтік фирмасының мәліметінше, Германиядағы өнеркәсіптік компаниялар өткен жылы 124 000 адамды жұмыстан шығарды, бұл көрсеткіш 2024 жылғы саннан екі есе дерлік көп. Қысқартулар негізінен автомобиль секторында шоғырланды.

Іздеу
Байрамов: «Әзербайжан мен Түркияның бауырластығы одан әрі нығаяды»
Аккую АЭС-інің бірінші блогын іске қосуға бір қадам қалды
Путин Си Цзиньпинмен кездесті
Түркия Анталия–Газа климаттық дәлізін құруды ұсынды
Австралия Батыс Шериядағы заңсыз қоныстарға байланысты израильдіктерге санкция салды
АҚШ Иранның Кешм аралына бірнеше рет шабуыл жасады
Ле Пен Франция президенті болып сайланса, Украинаға берілетін көмекті тоқтататынын мәлімдеді
«Түркия – Еуропа қауіпсіздігіндегі маңызды ойыншы және НАТО-ның таптырмас одақтасы»
Моңғолия президенті жемқорлық айыптауларына байланысты отставкаға кететінін мәлімдеді
Ресей: «Украина Қырым көпіріне қайта шабуыл жасады»
Түркия климат мектебінде табиғи апат қаупін азайту жолдары талқыланды
Вэнс: «Трамп әкімшілігі Ирандағы соғыстың ұзаққа созылуына жол бермейді»
Трамп Қытай және Ресей басшыларымен кездеседі
Еуропаның бес елі мигранттарды Руандаға көшіруді жоспарлап отыр
Министр Фидан: «Түркияның жетекші рөлі халықаралық деңгейде мойындалуда»