Түркияның қазіргі электр энергиясының қуаттылығы мамыр айының соңындағы дерек бойынша 125 мың 598 мегаватқа жетті.
Энергетика және табиғи ресурстар министрлігінің Жаңартылатын энергияның Дүниежүзілік күні аясында жасаған мәлімдемесіне сәйкес, қазіргі қуаттылықтың 62,6 пайызына тең келетін 78 мың 561 мегаваттық бөлігі жаңартылатын энергия көздерінен құралды.
Түркияның электр қуатының қуаттылығы артуын жалғастырып, мамыр айында 125 мың 598 мегаватқа дейін көтерілді. Қазіргі қуаттылық ішіндегі отандық (жергілікті) ресурстардың үлесі 71,8 пайызды құрады.
Мамыр айының соңындағы жағдай бойынша электр қуатының белгіленген қуаттылығының көздеріне қарай жіктегенде 25,8 пайыздық үлеспен гидроэлектр станциялары бірінші орынды иеленді. Одан кейінгі орындарды 21,4 пайызбен күн, 20 пайызбен табиғи газ, 12 пайызбен жел, 9,2 пайызбен жергілікті көмір, 8,3 пайызбен импорттық көмір, 1,9 пайызбен биомасса және 1,4 пайызбен геотермалдық энергия иеленді.
Мамыр айының соңындағы жағдай бойынша күн және жел энергиясының белгіленген жалпы қуаттылығы 33,4 пайыздық үлеспен 42 мың 21 мегаватқа дейін өсті. Осылайша жалпы белгіленген қуаттылықтың үштен бірінен астамы тек жел мен күн энергиясынан құралды.
Энергетика және табиғи ресурстар министрі Алпарслан Байрақтар бұл мәліметтерге қатысты жасаған мәлімдемесінде Түркияның энергетикалық әлеуетін жаңартылатын қуат көздерімен арттыруды жалғастырып жатқандарын атап өтті.
